TVB綠葉做手術傾電話，取材真人真事「手機醫生」？

TVB最近播出劇集《白色強人》，講到醫療問題等社會議題，係好少出現嘅劇集題材，據知《白色強人》劇情里所發生嘅畸士，確實系真人真事。例如第六集就特別，講到飾演心胸肺外科醫生Hugo嘅韋家雄，喺手術期間接聽電話。

劇情，講到韋家雄擔任主刀醫生，但喺手術期間接聽老婆嘅電話，并起爭執令手術延遲，之後又再次通話。

雖然兩次通話時間唔長，但系韋家雄做手術之後，病人出現氣栓嘅情況，要在場嘅何廣沛同馮盈盈化解，令韋家雄之後要求何廣沛可以隱瞞事實。

呢個係真實畸士，喺1999年瑪麗醫院外科醫生董曉明，為病人進行切除瘜肉手術時，用免提式裝置傾電話，時間長達5至10分鐘。

結果病人手術之後嗰晚肚痛入院，原來腸道畀督爆引發腹膜炎，進行補腸手術。而瑪麗醫院召開內部人事紀律聆訊，裁定呢個醫生行為失當，判五年不獲加薪升職。

醫委會展開聆訊，裁定呢個醫生專業失當不成立，引起社會嘩然，觸發醫委會改善投訴機制。

醫管局修訂使用手機嘅指引，規定任何人喺手術室或者設有維生儀器嘅房間時，必須關手機，或者只限喺緊急情況下使用，使用者要同儀器保持一公呎距離。