前港姐湯洛雯，最近忙住為《法證先鋒4》重拍開工，湯洛雯頂替原本由黃心穎飾演嘅第三女主角戲份，為咗配合角色，佢仲畀無線下令要求減10磅肥肉，但卻畀網民笑指佢中咗「不瘦降」，湯洛雯因此承受咗好大壓力。
終于，連日嚟嘅高強度拍攝，令湯洛雯捱到病咗。日前，傳媒影到湯洛雯趁開工前急急腳去藥房買藥。
當日下午大約三點，湯洛雯揸車離開寓所，嗰陣見佢突然間停車喺路邊，然後落車前往附近鋪頭購買兩盒頭痛藥，見湯洛雯面青口唇白，好似精神狀態唔好，買完藥之後，佢又擒青揸車趕翻將軍澳電視城繼續開工拍攝。
據悉，湯洛雯係前TVB當家小生湯鎮業嘅侄女，早年佢畢業于倫敦主修心理學。2012年，佢報名參加香港小姐競選，雖然最後落選，止步六強三甲不入，但仲係橫掃咗“旅游大使獎”同“美麗升華大使獎”兩個獎項殊榮。
選美結束之後，湯洛雯就獲TVB高層賞識，簽約TVB旗下發展，并主力接拍電視劇。2013年，湯洛雯憑處境劇《愛回家》人氣急升，佢喺劇中飾演李思思一角大獲好評，成功入屋，雖然係新人，但佢演技就備受外界嘅贊賞同關注。
次年，湯洛雯又獲捧加盟超人氣節目《學是學非》中，成為主持之一，隨著節目嘅熱播，佢嘅人氣再次急升，知名度亦逐步提升，星途亨通嘅湯洛雯，跟住繼續喺多部劇集中亮相，戲份都越嚟越重。
作品包括《完美叛侶》、《燦爛的外母》、《城寨英雄》、《與諜同謀》、《心理追兇》、《同盟》、《翻生武林》、《逆緣》、《再創世紀》以及《婚姻合夥人》等。
唔少網民都表示，期待咗好耐湯洛雯接拍《法證先鋒4》，喺一眾新晉小花當中，無論外貌定演技實力，湯洛雯都相當之出眾。
而家劇集終于開拍，期待早日上畫與觀眾見面，各位湯洛雯嘅粉絲，到時候記得多加留意劇集！
Like MisshkNews Facebook！不出门也能知天下事～
