TVB花旦黃翠如最近到中環出席名錶品牌活動，黃翠如直言平日最舍得使錢買名錶：「之前試過用好貴嘅價錢，買咗一對手錶畀自己同老公，結果兩隻表宜家都咗畀老公，因為我嫌隻表太重。」
黃翠如又透露七月份會同老拍檔洪永城「合體」，拍攝旅游節目：「其實我哋有五年冇合作過，曾經以為唔會再一齊主持節目，但宜家會覺得要做多次，可能今次系我哋最後一次合作。」
黃翠如話同洪永城自細就識，所以大家零容忍互不相讓，曾經試過喺拍攝節目嘅時候嘈咗有三個字，當時連監制都叫佢哋不如拍完再嘈，之後再埋位拍攝時兩人完全零眼神接觸。 
黃翠如表示日前與老公一起探訪洪永城屋企，發覺佢養咗隻老狗，黃翠如攪笑言「完全系老人同老狗Feel」：「突然間覺得佢好寂寞，如果第日佢住老人院，我同老公會去睇住佢。」
黃翠如再补充讲：「佢女朋友條件咁好，應該有好多其他選擇啦，連佢自己都咁講嘅。」
Like MisshkNews Facebook！不出门也能知天下事～
