呢排，有傳媒消息爆出，TVB人氣處境劇集《愛回家之開心速遞》被指因為收視滯後，所以準備會停播，消息一傳出馬上引起一大批粉絲熱議同關注！
事關，呢部劇自從2017年出街以嚟，深受觀眾支持同歡迎，而且喺2019年更曾經連續五個禮拜成為黃金檔收視冠軍，網民百思不得其解，點解會有噉嘅消息傳出呢？
有傳媒消息表示，由于TVB近年實行開源節流，之前已經先後Cut咗兩個拍攝錄影廠，之後仲陸續Cut廠，目的系為咗裁減制作費。
而據悉，現時TVB已經決定購入內地劇或者外判外出拍攝以作填補，而作為本臺制作嘅《愛回家之開心速遞》，就隨時要面臨停拍嘅厄運。
其實回顧近年TVB較為高收視嘅人氣劇集，當中都唔少都系外判拍攝嘅劇集，比如《不懂撒嬌的女人》以及較早時嘅《鐵探》等，對于《愛回家》被傳即將停拍一事，記者即刻聯系上劇集監制林建祥求證。
受訪嘅時候，林建祥表示自己宜家喺澳門：「我而家就喺澳門為《愛回家》拍攝，對傳聞指嘅《停播事件》暫時唔清楚。」
之後，記者采訪《愛回家之開心速遞》劇中嘅主演之一滕麗名，佢坦言唔知道發生乜事，并指呢啲傳聞都系舊聞，冇幾耐就會見報一次。其實，TVB官方亦曾經發過聲明，對于大結局唔添食一事作出否認，並指報道虛構同毫無事實根據。
而「大小姐」林淑敏亦同樣表示，未聽過會停拍一事，亦坦言唔會擔心。佢話：「我而家都陸續收到新嘅劇本，亦不斷拍攝中，我自己覺得年尾之後都會繼續拍落去咯！」
作為《愛回家之開心速遞》嘅粉絲，真心希望TVB可以保留呢部劇，千祈唔好停拍同停播，相信好多粉絲都一樣，每晚已經習慣有一種《愛回家》演員相伴，期待《愛回家》長拍長有！
Like MisshkNews Facebook！不出门也能知天下事～
