較早時，TVB小生馬國明同一眾演員為咗新劇《白色強人》周圍造勢，大家仲著上醫生袍亮相，真係型到乜咁！尋日已經首播啦，大家千祈唔好錯過。
然而，不嬲以“兄妹”相稱嘅馬國明同唐詩詠，卻意外成為大家關注嘅焦點，尤其系馬國明講Kiss唐詩詠，全世界男人都會話好咀！ 
而唐詩詠就透露兩個人喺劇中感情戲好到肉，即使咀戲都覺得良好，問到會唔會擔心咀戲會畀緋聞男友Samuel睇到？佢話：“我都冇男友，關佢乜事。”
自從「安心偷食」單嘢發生之後，大家都好關心馬國明嘅感情生活，而呢次馬國明同唐詩詠首次飾演一對離婚夫妻，但佢哋竟然話冇亂倫嘅感覺。
再加上馬國明好投入角色，所以拍咀戲嗰陣都冇太多NG。不過，馬國明就自爆曾經要求監制增加多一啲親熱戲，但系就遭到反對…… 
另一方面，唐詩詠都透露冇擔心緋聞男友陳思銘，見到佢同馬國明嘅親熱戲，仲強調自己，根本就冇男朋友。
原來唔單止系馬國明覺得兩人激情戲份少，就連唐詩詠都覺得兩個人感情戲唔多，但系都好到肉。睇到兩個人甜蜜曖昧嘅關係，網友紛紛表示佢哋其實有冇可能？
其實早喺唐詩詠宣布同洪永城和平分手之後，大家都一直睇好佢同馬國明，只因為當初馬國明嘅身邊有黃心穎，所以只好以兄妹相稱。
我諗好多粉絲都會希望馬國明可以同唐詩詠一齊，因為唐詩詠都系一個不錯嘅選擇！
Like MisshkNews Facebook！不出门也能知天下事～
