TVB小花劉嘉琪喺過去半年拍攝咗唔少劇集，當中《婚姻合伙人》同《福爾摩斯奶》有好多發揮機會，佢直言拍攝《婚姻合伙人》相當開心，飾演市場推廣部職員，大部分拍攝都喺office入面，同十幾位同事吹水。
“全劇演員感情好好，好融洽！可以再次參與潘嘉德監制嘅劇集，系一件好開心嘅事！之前德哥同全劇演員都有約出嚟飯敘睇首播！“
（有冇邊場戲最難忘？）有場戲系講老板楊明同高海寧啱啱分手，我哋全公司女同事都想去博佢歡心，當日導演突然間叫曬office女同事去服裝間換Deep V短裙，然后揚明出嚟，全部女同事齊齊脫去外套，再展露誘人眼神，嗰場戲系我拍劇以嚟第一次著Deep V，睇劇時又的確好攪笑！”
至於喺《福爾摩斯奶》，劉嘉琪飾演第二個畀開膛嘅妓女，佢直言超級難忘，獻出多個第一次，包括扮食鴉片、瞓停尸間畀驗驗尸、跳海落水戲等。
“記得拍跳海戲時那個海好污糟好多垃圾，海水好污濁加上有電油，拍攝期間我同黃智賢都被海水乸到皮膚、眼好痛不斷流眼水，我自己膝蓋同腳都被樹枝、鐵罐整傷！記得當日穿了三條褲落海，但回到家裡發現，泳衣泳褲內全部都是沙石，真是嚇死我！作為一個新人，拍完那場戲後我更加明白演員背後的辛酸！令我更尊重每一位演員。”
劉嘉琪係模特兒出身，佢曾經話喺女演員中，最想學習嘅對象係徐子珊：“我覺得我個樣同徐子珊一樣，都系比較Cool啲，唔出聲好似好惡咁！平時我都會睇下佢點做戲，參考下！”
2013年就開始拍劇，近年先開始出演一啲有名嘅角色，都算進步咗！
唔理點樣，劉嘉琪期待佢可以繼續畀我哋帶嚟更多噶好作品，加油！
Like MisshkNews Facebook！不出门也能知天下事～
