近年嚟，TVB新聞小花陳貝兒憑借TVB節目《嫁到這世界邊端》而人氣急升，最近卻無端端畀人發布流言指佢準備退出幕前工作，全身心投入美容事業當中，而陳貝兒都終于喺社交平台發布聲明澄清。
她留言寫道：「嚴正聲明！！！近日於不同網上平臺有消息報導有關於本人為了拓展個人美容事業而退出幕前演出工作，此報導實為虛假。同時，有不法之徒利用報導去詐騙本人的粉絲及支持者進入一個網購站購物，本人深表憤怒。現在嚴正聲明，本人對虛假消息報導保留法律追究權利。」
1979年出世嘅陳貝兒，喺細個嗰陣就同屋企人一齊移民到加拿大溫哥華生活，喺西門菲沙大學畢業嘅佢主修新聞傳理，副修教育。後尾畢業回流到香港之後，陳貝兒就加盟有線電視，兼夾成為咗香港第一代娛樂新聞主播，備受公司力捧嘅佢，仲畀喻為「有線娛樂主播一姐」。
後來佢喺2009年嗰陣就離開咗主播嘅崗位，加盟娛樂公司兼任體育市場部副總裁，同時都兼顧TVB嘅幕前主持職位工作，直到2013年，陳貝兒先正式轉投TVB，主攻主持同司儀嘅工作。
比如《東張西望》、《歡樂滿東華》、《萬千星輝賀臺慶》、《嫁到這世界邊端》系列等，仲有各大型活動，比如《香港小姐競選》、慈善公益活動等。
陳貝兒除咗活躍喺幕前工作，同時佢對于社會公益活動都相當上心，致力于推廣全民齋食同環保意識，又組成香港隊參與北極馬拉松，藉此提高群眾對于全球氣候暖化、冰川融化等意識。
希望陳貝兒可以早日平息事件，都希望啲人可以將心比心，唔好為咗自身利益而散播謠言，期待佢繼續畀我哋帶嚟更好嘅作品，加油！
Like MisshkNews Facebook！不出门也能知天下事～
