日前，TVB視後唐詩詠就與一眾演員同幕后工作人員進行聚會，現場氣氛好熱鬧，其實一個劇組一齊拍攝，大家嘅感情因此極速升溫成為咗好朋友。
而唐詩詠傾緊拍攝時嘅情景直言每個片段都好難忘，佢話：「我從來都冇做過一個老千嘅角色，最難忘都系打戲，我拍戲都系畀人打多，好少會打人，第一次打人覺得好難好難，今次各方面都好大挑戰。」
為咗能夠以最好嘅狀態呈現畀大家，唐詩詠會趁住拍戲空擋時間搵其他演員練習，佢話：「我一得閑就會捉住同場嘅藝人，例如伍允龍或者武術指導，我就捉住佢哋同我練，我記對白OK，但記招數好差，所以我要重復多次先記得。」
不過話曬首次挑戰打戲，唐詩詠都系做足功課落足功夫，甚至連伍允龍都大贊最意想不到嘅就系唐詩詠，佢話：「我記得第一日去打嘅時候，監制話我太細力，我就去練大力啲，點知道之後又話大力，我就好驚打到佢哋，我就發現打戲有好多技巧要去練習，對唔起呀！」
傾到五月頭系佢生日，但系忙住為新劇拍攝嘅唐詩詠就喺工作中度過，雖然冇得休息，但系就有劇組嘅一眾好友為佢驚喜慶生，令佢難以忘記。
佢話：「嗰日拍拍下，監制，突然間落嚟，大家即刻好緊張，嗰場戲我又要喊，突然間監制話唔得要著燈，之後吳家樂又入嚟，我就即刻睇劇本但系發覺冇呢場戲，之後，佢哋就送咗一個蛋糕出嚟，我好開心。」
畀封為「一百分女友」嘅佢，自從上段感情結束之後一直都處于單身狀態，唔少粉絲都紛紛替佢心急，但系對于感情方面，佢就表示一切都隨遇而安，唔心急，佢話：「我覺得人越大，就覺得緣越重要，愛情冇得去心急，只系佢嚟嘅時候，睇你捉唔捉得住。」
唔理點，希望唐詩詠可以早日覓得如意郎君，期待佢繼續畀我哋帶嚟好作品，加油！ 
Like MisshkNews Facebook！不出门也能知天下事～
