《愛·回家之開心速遞》自播出以來一直都深受觀眾歡迎，可以講系每日嘅「食飯必備」。隨著劇集成功入屋，劇中嘅一眾演員因此人氣急升，備受關注，除咗大家鐘意嘅「大小姐」同「送水輝」CP之外。
最新嘅一對就系由前港姐岑杏賢飾演嘅Icy同歐瑞偉飾演嘅KC呢對，都系笑料滿滿。
相信追開劇集都知道，其實岑杏賢同歐瑞偉呢段喺先前嘅劇情中就已經有唔少嘅鋪墊，而最近嘅劇情更令兩個人嘅感情線急速發展。比如歐瑞偉被「黑化」Terry降級成初級文員之後，岑杏賢都唔介意，更借啲意送上愛的抱抱。
然而歐瑞偉卻好抗拒，更加多次明示暗示咗雙方之間嘅年齡差距，希望對方可以知難而退，冇諗到陷入愛情後嘅女人都系咁盲目，岑杏賢唔單止冇放棄，反而認為對方只系以退為進，更選擇用「好朋友」身份同對方相處。
除此之外，岑杏賢仲多次喺大龍生面前幫歐瑞偉講好話，令佢恢復公司高層嘅身份。此時「黑化」Terry就為歐瑞偉舉辦咗表白派對，岑杏賢就趁此機會送上香吻。唔少觀眾都表示睇得好過癮，希望佢哋呢對最後可以開花結果。
事後，岑杏賢喺接受訪問時就表示：「其實都有同KC傾過，佢覺得呢個組合都好新鮮，可以嘗試發展，但最緊要都系睇編劇點寫，仲有網民嘅意見，都開心大家會去討論KC同Icy。」
至於現實中會唔會好似劇中一樣，岑杏賢就直言現實中都可能會發生，佢話：「如果發生喺自己身上嘅話，個心一定會唔舒服，但系如果真系好鐘意對方嘅話，可能都會好似Icy噉拍拖大過天，不過而家會理智啲，仲會帶眼識人。」
唔理點樣，都系希望岑杏賢可以繼續畀我哋帶嚟好作品，期待佢可以早日覓得心儀伴侶，祝福祝福！
Like MisshkNews Facebook！不出门也能知天下事～
