現年38歲TVB小生黃建東，呢排為拍攝新一輯旅游節目《肥媽旅行團》嚟到佛山同順德一帶。期間去到當地飼養雞嘅農場內，黃建東直言大開眼界。
受訪嘅時候，黃建東表示：「呢集，我同簡淑兒做先頭部隊，下個月頭再同肥媽去多一次，今次我哋去參觀咗無花果種植場，仲可以摘到新鮮無花果落嚟試下，真系好味兼好清甜。」
傾到當地雞農原來系用無花果作為飼料喂養雞隻，不嬲幽默風趣嘅黃建東，馬上笑指喺順德「做雞」比做人幸福！
佢笑言：「所以果度嘅人話做雞仲幸福過做人，雞食得都比我好呀！我都試過用無花果引啲雞過嚟，我一直扮雞叫、一直唱住《皆大歡喜》，令到工作人員笑爆肚，好在啲雞真系聽我話！」
另外，黃建東又透露仲到訪咗當地一間制作沙琪瑪嘅工場，一走入工場范圍就聞到陣陣香味令人流曬口水，佢話：「搞到我邊拍邊偷食，今次真系好有口福，所以好期待下個月肥媽再帶我去吃好嘢。」
1981年出世嘅黃建東，早喺2011年參加《香港先生選舉》奪得「演藝潛能大獎」而入行，雖然當年未能晉身三甲，但黃建東喺個人才藝表演方面嘅能力，卻令人留低深刻印象，生性風趣幽默嘅佢，喜劇細胞非常突出。
簽約TVB出道之後，黃建東主力拍攝電視劇，不過早期基本做茄喱啡，比如路人、工人、醫生、律師、保安、伙記等唔起眼嘅角色，估計大多數粉絲都有印象。
直到2014年，佢喺劇集《食為奴》中飾演九阿哥嶄露頭角，開始獲得觀眾嘅關注。
後來，佢又喺劇集《忠奸人》中擔任重要角色，飾演男主角郭晉安細佬高哲明一角，戲份都相當重。
除咗拍劇，不嬲口才了得嘅黃建東，現時仲系TVB娛樂新聞臺嘅固定主持人之一，佢同時仲擔任唱作歌手、編導同戲劇導師等工作。
所以，黃建東可以話系TVB內全能發展嘅男藝人之一，期待佢繼續為觀眾帶嚟精彩作品！
Like MisshkNews Facebook！不出门也能知天下事～
