最近忙住拍攝處境劇《愛.回家之開心速遞》嘅李泳豪（豪仔），呢排收到劇組所有成員為佢送上嘅生日蛋糕，李泳豪話：驚喜之余又好開心。
雖然要喺工作中度過，但其他演員好有心，喺片場休息時間就為李泳豪獻上特別嘅「穿越生日會」！ 
事關當日大家拍攝歐陽震華化身「祝枝山」客串嘅集數，「群姐」許思敏仲會做名伎，成班演員齊齊著古裝拍妓院戲份。 
經過成晚努力拍攝之後，呂慧儀就再次成為「捧蛋糕專員」，拎住一個蛋糕出現，同李泳豪慶祝生日，成班演員齊齊唱生日歌，場面好溫馨！ 
佢之後感激留言：“都話「開心速遞」系一個有愛嘅劇組❤️多謝你哋畀我一個生日驚喜感動。”網友除咗紛紛祝李泳豪生日快樂，仲好期待可以快啲睇到呢集古裝版嘅《愛.回家》！
而相近時間，李泳豪都與爸爸媽媽一齊慶祝自己39歲生日，坦言喺爸爸媽媽身邊，自己仲覺得系一個長唔大嘅細路。并留言：「有父母陪伴度過生日系最開心同幸福嘅事，感恩！」 
李永豪系藝人李家鼎（鼎爺）與施明嘅幼子，有一個孖生大佬李泳漢，現已轉向政界發展。6歲起與阿哥一齊做童星，喺好多出電影同電視劇演出。 
大家都熟悉嘅TVB神劇《義不容情》，藍潔瑛飾演梅芬芳含冤判死刑，個仔丁有健喺法庭之外哭別母親，令人動容，飾演童年丁有健正系李泳豪。當時只有八歲嘅李泳豪，已交出神童級演技，絕對系超級童星。 
而錯過咗80年代欣賞童年李泳豪精湛演技嘅網友，再次回顧《義不容情》時都會畀小泳豪嘅真情演出感動。 
當年李泳豪飾演喊戲了得，曾經傳因為父母李家鼎同施明為求仔仔演出逼真，所以拍攝前掌摑仔仔，以令小泳豪流出真實眼淚出嚟。
李泳豪澄清，當年冇俾人打，可以飾演哭戲全因為代入咗自己真實感情：「拍《義不容情》呢部戲，我已經八歲，知道咩系生死，阿媽喺拍戲之前同我講，如果阿媽死咗你會點，因為我由細到大都好黐阿媽，當諗到阿媽死咗，真系喊到死去活來。」
對于細個嗰陣拍劇記憶，佢到而家仲記得同黃日華、藍潔瑛感情好好，更經常一齊圍讀劇本：「佢哋更加教我做戲，當每次要拍悲情戲時，二個人當日返片場就變得好沉默，培養情緒，令到現場變得云愁慘霧，令我都好易入戲。」
喺演藝圈，素以配角形象示人嘅李泳豪，曾經與港姐冠軍楊思琦拍拖長達近9年，而家已經系天涯陌路人，李泳豪都對舊愛冇任何期待。
喺《開心速遞》度成日畀人無朝氣無雄心嘅安分員工形象嘅佢，其實私低下同時任泰拳同飄移教練，平日相當頻撲，近期更多咗一個身份——餐廳老板，同老竇涉足飲食界開食店，意圖搞大餐飲版圖。
其實人生有好多種可能，螢幕上嘅李泳豪未必系閃閃發光，但系佢真實人生，必定唔會暗淡。 
Like MisshkNews Facebook！不出门也能知天下事～
