TVB宅男女神陳瀅，不嬲緋聞好多，較早時與男神陳家樂合作拍攝新劇《廉政行動2019》嘅時候，又傳出秘密撻住暗中拍拖，雖然兩位當事人都已經多次現身澄清否認戀情，但緋聞仍然不絕于耳。
呢排，陳瀅喺百忙中抽時間專登飛去夏威夷，為好朋友婚禮擔任姊妹團，期間佢仲同姊妹團瘋狂自拍留念。
而當去到婚宴重頭戲拋花球環節時，陳瀅好好彩噉接到花球，佢馬上笑容滿臉好開心，又上去同新娘子擁抱送祝福。 
不過話時話，今次已經系陳瀅第三次出席朋友婚禮接到花球，前年佢喺好姊妹陳嘉寶嘅婚禮上都接到花球，唔少網民都紛紛笑指，陳瀅嘅桃花運應該好強，未知幾時先有戀情公布呢？ 
而陳瀅亦有將婚禮上嘅靚相，曬到社交平臺與網民分享，佢又攪笑謂：自己已經第三次接到花球，又問自己究竟幾時先可以嫁得出？網民馬上叫佢考慮緋聞男友陳家樂呢個筍盤！
1989年出世陳瀅原名叫做鄭鈺瀅，早喺2015年9月份時，陳瀅曾經公開承認與賭王何鴻燊五子何猷亨拍拖，無幾耐，二人嘅戀情最終喺2016年7月份宣布玩完，不過二人仍然保持好友關系。
陳瀅自細喺加拿大生活同成長，早年佢回流香港加入模特圈，後來獲TVB賞識接拍無線劇集《女人俱樂部》，喺劇中佢飾演容丹丹少妹版，開始嶄露頭角，并都開始為觀眾所識。
之後，陳瀅繼續參演無線多部劇集，并擔任重要角色戲份，作品包括《四個女仔三個BAR》、《全職沒女》、《僵》、《一屋老友記》、《平安谷之詭谷傳說》、《跳躍生命線》以及《福爾摩師奶》等。
轉眼，陳瀅入行到而家已經有5年時間，而家佢已經成為TVB力捧小花，正處于上位期間，大概系人紅是非多，雖然不時畀傳媒傳出各種緋聞，但陳瀅始終默默做好演員嘅本分。
希望觀眾能夠將關注焦點擺喺佢嘅作品上，期待陳瀅繼續為觀眾帶嚟多啲精彩嘅作品，加油！
Like MisshkNews Facebook！不出门也能知天下事～
