前亞姐喺美國秘密生BB，誕下千金：天賜嘅禮物

現年49歲前亞姐冠軍李妮，當年選美奪魁之後，順利簽約亞視出道，投身娛樂圈冇幾耐又撞到美籍華裔富商老公陳國泰，之後李妮成功嫁入豪門并馬上宣布息影。

多年嚟佢過住養尊處優嘅少奶奶生活，令人羨慕。

呢排，傳媒最新消息爆出，李妮早喺舊年年中，喺美國為老公成功誕下愛女Phyllis，終于升呢媽咪！而轉眼，囡囡Phyllis即將喺本月尾迎來一周歲生日，認真系恭喜恭喜！

記者馬上電話聯系上李妮祝賀，受訪時佢表示自從屋企多咗B女之後，熱鬧唔少，成家人都好開心，又感恩B女系天賜嘅禮物。

李妮笑謂：「我哋結婚之後都想有小朋友，個女雖然遲嚟，但我又卸任咗博愛醫院副主席，而家時間多咗好合時。」

據悉，李妮與老公都好鐘意細路，結婚之後獲老公貼身照顧，一直努力調理身體開展造人大計，直到舊年突然間「神隱」，好少公開出現，原來系去美國秘密生女。

問到點解會揀喺美國生B女？李妮就透露兩公婆喺當地有物業，又認為喺美國分娩醫院都好好：「一生完就將BB抱返媽咪身邊親手照顧，BB未有一刻離開過我，我哋好close，我坐月時都請咗一個陪月姐姐幫手，坐完月先返香港，我都系親手湊女，唔放心全部交畀工人。」

而家有女萬事足嘅李妮，更加將全部心思都擺喺囡囡身上，事事都以家為先，佢又透露B女同老竇生到好似，笑指不愧爸爸嘅「前世情人」：「佢一出世，我就失戀啦，哈哈。」

問到有無想繼續追生仔仔，湊成好字？李妮就直言梗系希望為自己生一個「前世情人」，佢笑說：「追到梗系想追啦，我都想囡囡可以多一個伴，最好系一到兩個。（生B點解咁低調？）我想三個人低調過幸福生活，慢慢享受。」

據悉，李妮系1994年度亞洲小姐嘅總冠軍得主，佢曾經參演過多部亞視經典劇集，比如《新包青天·英雄本色》、《我和春天有個約會》、《親子情未了》、《有求必應》、《8號巴士站站情》以及《暴風型警》等，之後宣布結婚就淡出娛樂圈，為人好低調，好少喺公開露面。