最近，TVB花旦陳煒與女神溫碧霞聯同「金馬影帝」艾廸，為英皇新電影《墮落花》合作拍攝。尋晚，三個人齊齊現身尖沙嘴開工，其中拍攝一場戲份系講溫碧霞慘被人虐待拖行，以及三個人「講數」嘅戲份。
現場可見，當拍攝現場環境衛生情況好惡劣，事關呢排廣東天氣連日落暴雨，導致橫巷布滿積水，較為污糟。不過，即使噉都無礙幾位敬業嘅主角專注投入演繹自己嘅角色，認真佩服！ 
聽聞，喺套戲入面陳煒會慘被「金馬影帝」艾廸殺死，二個人雖然首次合作，但陳煒喺艾迪面前馬上化身小粉絲，艾迪都好紳士地向煒哥送上親筆簽名DVD以作留念。陳煒笑謂：「艾廸哥哥好溫柔，同型男合作好緊張。」 
而在旁嘅艾廸馬上發揮幽默本色，打趣謂：「點舍得殺靚女呢？不如劇本改為錫死佢啦。」當煒哥聽到艾廸喺1973年就已經出道時，馬上表現得好驚訝，佢攪笑表示：「嗰年我先啱啱出世！」令艾廸聽到忍唔住要笑。 
另外，不嬲「霸氣十足」嘅陳煒今次喺戲中飾演警隊高層一角，喺呢場戲虐打戲份中，女神溫碧霞就成日要遭到陳煒嘅暴力對待，包掌摑、扯頭髮兼灌水，聽到都覺得冇陰功呀！ 
就連見慣大場面嘅煒哥亦都笑指「于心不忍」，反而溫碧霞就唔停鼓勵佢唔好留力「盡情發揮」。 
受訪嘅時候，溫碧霞就笑言：「我鼓勵佢（陳煒）大力打過嚟就得啦，噉先有實在同真實嘅感覺，最緊要系效果出嚟夠逼真，我覺得今次呢個角色好有挑戰性。」女神認真夠敬業！ 
相信好多粉絲都對溫碧霞好熟悉，現時熱播嘅《PTU機動部隊》中，亦有佢精彩演出，現年已經53歲嘅溫碧霞，畀網民稱為從後生靚到老，當年15歲就畀星探發掘入行拍戲嘅佢，曾經喺多部電影驚艷亮相。 
之后，溫碧霞又轉戰電視圈簽約喺TVB旗下繼續發展，備受力捧嘅佢喺多部劇集中擔任女主角重要戲份，除咗美貌深入民心之外，佢嘅演技亦備受贊賞。 
而最令人印象深刻嘅，當然系佢喺TVB版《封神榜》中飾演嘅一代美人妲己，佢塑造嘅妲己形象到而家都仍然令人難忘。期待，見到溫碧霞繼續拍戲。
Like MisshkNews Facebook！不出门也能知天下事～
