日前，TVB視後田蕊妮就參與TVB綜藝節目《娛樂大家》嘅錄影，傾到最近由於黃心穎出軌單嘢形象插水，導致《法證先鋒4》要重拍一事，田蕊妮就直問自己無法頂替，主要仲系睇公司點樣安排。
佢話：「公司冇叫我頂，但我自問『頂』唔到心穎，因為做唔到佢嗰啲角色。（商演登臺呢？）賺錢冇所謂，但要睇公司安排。」
而《娛樂大家》當中有唔少嘅游戲環節，田蕊妮直認系「游戲白癡」，佢話：「我容易畀人呃，花名叫『阿豬』，唔夠醒目，但系如果朋友笑我笑得耐會嬲。我好易將氣氛搞到熾熱同尷尬，不過又唔會嬲朋友嬲得好耐嘅。」 
數數手指，呢個禮拜日就系母親節，而最近正忙住宣傳新歌嘅佢，就透露會喺母親節前夕到張敬軒餐廳與粉絲舉行「抱抱會」，加埋而家正計劃舉行演唱會，不過具體嘅詳情都要落實先可以公開。
佢話：「名額已經滿咗，歡迎佢哋帶媽咪著得靚靚咁出席，會畀機會佢哋分享同媽咪最難忘同感動嘅事，我都好眼淺，驚到時會喊。」
1977年出世嘅田蕊妮，喺1993年嗰陣就通過參加第4屆《未來偶像爭霸戰》嘅歌唱比賽而晉身娛樂圈，備受賞識嘅佢更因此加入到亞視，直到1995年開始，田蕊妮就開始拍攝電視劇集演出，更被觀眾稱為「亞視一姐」。
直到2006年，田蕊妮就轉投TVB，兼夾仲參與多套電視劇集中擔正演出，比如疑情別戀》、《讀心神探》、《造王者》、《巨輪》、《舌劍上的公堂》、《忠奸人》、《鬼同你OT》、《無雙譜》、《迷》等。
而佢都憑借喺《巨輪》中嘅精彩演出奪得咗《2013年萬千星輝頒獎典禮》中嘅「最佳女主角」同「最受歡迎電視女角色」，稱為雙料視后，晉身當家花旦之一。
期待佢喺跟住嘅劇集《她她她的少女時代》中嘅精彩演出！
Like MisshkNews Facebook！不出门也能知天下事～
