情景劇《愛回家之開心速遞》有唔少CP都深受觀眾歡迎，冇幾耐前播出嘅第534集《白色情人節》「熊若水」呂慧儀同「龔燁」張景淳呢一對終于修成正果。
龔水黨們經過一年零三個月嘅追逐期待，終于得償所愿，日前張景淳接受采訪時畀詢問當時喺劇中與呂慧儀「龔水一吻」嘅感受，佢表示當日拍攝進度緊促，當時喺中環拍到晚上11點，大家諗住盡力做好，早啲收工，并冇顧慮太多。 
記者又問到對于「龔水一吻」，呂慧儀4歲仔仔「蟹籽」對媽咪拍吻戲感到不滿？張景淳笑言知情：「我識蟹籽，佢其實好明白事理嘅。（買玩具畀佢玩？）會呀！擺個『和頭宴』！」可見螢幕CP私下都往來密切。之後佢傾倒一齊入場開工嘅時候，呂慧儀經常提到「蟹籽」嘅生活點滴，系一個溫柔有愛好媽咪。 
星期一到星期五嘅《開心速遞》，呂慧儀更將拜金，牛精，耿直，善良演繹得入木三分。現實生活中，即使離婚收科，都系平靜和睦噉與前夫共同撫養仔仔，話曬父愛母愛先系世界上最好嘅成長食糧。
龔水CP經過時間嘅考驗，難得有情人終成眷屬。若水同龔燁嘅日常互動大家睇到嗒嗒聲，若水更有千年港女經典臺詞：“我身材高挑，黃金比例，老幼咸宜。一個字：好正”。有冇勾起你對若水嘅回憶？
從最初嘅「賤精先生」到「Mr.right」，佢哋之間發生咗好多耐人尋味嘅往事。
1、若水特登整蠱龔燁，假借做鹽焗雞整污糟件衫換上情侶裝拍親親相。 
2、龔燁為咗打賭而喺電梯度向若水表白。 
3、龔燁借「家明」之名，去電臺點歌畀「觀自在雙下巴天使」，為初雪夜晚嘅放飛機而道歉。 
4、為咗博取若水同情，龔燁扮可憐住入熊家，仲讓若水幫手洗頭，若水知道真相之後用紅藥水整蠱佢。 
5、故技重施欺騙若水，龔燁趴地尋找失咗蹤嘅老竇，想讓佢睇自己落魄嘅樣。 
6、零經驗初哥拍檔慌亂中嚟幫手湊BB，體驗育兒屎尿屁。
7、新春情人節團拜化妝餐舞會上，吸血僵尸同鬼修女嘅黃金搭配。
8、籃球場上龔燁不再恭維謙讓小龍先生，做返真正灌籃高手，兩人甜蜜比心。
9、接受心靈輔導，畀失控教授關喺小黑屋度而互相取暖，若水更為大家生存而食曱甴。
10、為咗挽回工作，若水噅龔燁而喺龔爸爸面前做起咗賤精嘅臨時女友May。
11、雷珍妮為咗屈龔燁、若水而穩人專登向若水求婚示愛，龔燁緊張到飛起。
misshk諗到只有咁多啦，如果你有仲有補充嘅，歡迎留言，大家一齊追憶啦。
Like MisshkNews Facebook！不出门也能知天下事～
