日前，前港姐簡淑兒與前亞姐張珮汶一齊為首飾店擔任剪彩嘉賓，之前簡淑兒由于同經理人公司嘅合約問題，而導致簡淑兒喺劇集嘅宣傳活動中被「消失」，更疑似畀TVB「雪藏」，不過簡淑兒一直對于合約問題保持保密嘅態度，封嘴避談。
而家與經理人公司約滿恢復自由身嘅佢，喺活動期間就透露現時有啲唔太習慣，因為接工作傾價錢等都要自己親力親為，不過有弊有利，恢復自由身後自由度比之前更大，都比先前舒服唔少。
據簡淑兒透露表示跟住將會再簽經理人，更有望成為TVB嘅「親生女」，佢話：「都有喺斟，之前唱歌、主持、拍劇，而家想專注做演員，自己鐘意拍戲，希望未來建立一個演員形象。」
傾到較早時與好友陳婉衡一齊坐郵輪去游船河，兩個女仔從美國出發途經邁阿密至巴哈馬，實在系夠膽量，而經過今次嘅旅程兩個人都發現的確會有危險。
佢話：「郵輪上面有好多俄羅斯人去巴哈馬打工，好多人飲醉酒打交，我哋都好驚，見到有D女仔都畀男性搞到好嬲，我哋只可以坐喺一邊，做唔到啲乜嘢，下次會揀坐飛機。」
1989年出世嘅簡淑兒，自細同屋企人移民到美國生活，喺美國紐約州立帕切斯分校就讀嘅佢，曾經主修心理學同副修藝術設計，后來喺2012年嗰陣就返香港參加咗《香港小姐競選》，雖然最后可惜落選，但仍然備受賞識嘅佢，喺選美結束之後進入到TVB，正式發展其演藝事業。
期間呢，佢都曾經參與過多部電視劇集嘅拍攝，比如《愛回家之八點入席》、《迷》、《律政強人》、《超時空男臣》、《波士早晨》、《平安谷之詭谷傳說》、《求妻同學會》、《大帥哥》等。
而佢都憑借喺處境劇《愛回家之八點入席》中飾演「袁冰冰」而開始為人熟知，簡淑兒因為其甜美嘅笑容，而備受網民嘅熱捧。
據悉，喺跟住落嚟嘅新劇《好日子》、《C9特工》中簡淑兒均有份演出，期待佢更加精彩演出，大家千祈唔好錯過！
Like MisshkNews Facebook！不出门也能知天下事～
