藝人陳庭欣可以講系圈中出名嘅「雀奴」，家中養咗三只雀仔分別就叫Gorogoro、Warawara同Shabushabu，不過尋日佢就喺社交平臺緊急發文講Shabushabu唔見咗，心急如焚嘅佢，仲留言希望有人見到可以即刻聯絡其屋企人。
陳庭欣就表示Shabushabu因為受驚而飛走，雖然都嘗試過呼喚其返到身邊，不過卻唔成功，而家已經不知所蹤。
佢話：「Shabushabu受驚飛走啦！出街個籠由車頂跌喺地下，受驚飛走！地區：九龍塘－達之路『城市大學方向』，走失日期：4月25日，走失時間：12：00，最后見到時間：19：00－城大方潤華樓嘅天臺（嘗試叫佢返我身邊，唔成功！再次受驚飛向隔離『香島中學＋桃苑】方向）。」
該文一出，唔少網友都集氣留言，叫Shabushabu快啲返屋企，同時都留言畀陳庭欣先唔使太過心急，自己都要注意安全。
不過直到今日，陳庭欣似乎依然未搵翻Shabushabu，心急嘅佢更直頭喺社交平臺重酬「加碼」到一萬蚊，勢要搵翻Shabushabu，希望好心人見到可以即刻聯系佢。 
1987年出世嘅陳庭欣，曾經喺曼徹斯特大學修讀環境學系學士課程，后來喺畢業之後就返香港參加咗《2010年度香港小姐競選》，狀態大勇嘅佢一路過關斬將，終于贏得咗冠軍寶座，同大多數藝人一樣，佢喺選美結束之後就進入到TVB，正式發展其演藝事業。
期間，佢曾經參與拍攝過多部電視劇集，比如《單戀雙城》、《樓奴》、《鐵馬戰車》、《潮流教主》、《超能老豆》、《致命復活》、《全職沒女》、《踩過界》、《宮心計2深宮計》》、《兄弟》等。
據悉，喺跟住落嚟嘅新劇《機動部隊2019》同《多功能老婆》中陳庭欣同樣有份演出，相信到時佢一定會畀我哋帶嚟好作品，大家不妨一齊拭目以待！
Like MisshkNews Facebook！不出门也能知天下事～
