TVB小花曬「床照」勁秀事業線，網友：流曬鼻血

佗B七個幾月嘅TVB藝人張美妮，預產期系6月，趁住喺生B之前，拍咗一輯大肚寫真留念，非常唯美呀！張美妮以多個造型上陣，除咗白色貼身裙露巨肚，佢仲換上睡裙拍「床照」，見佢挨喺張床上勁露事業線，認真索到爆！

而老公KK都有出鏡，從後面攬住老婆同巨肚，非常溫馨。

張美妮留言講好期待B女出世：”仲有一個月就到預產期啦！見住個肚一日比一日大，就快做媽咪嘅感覺更加強烈！

而家，每日最享受嘅就系，摸住個肚溫柔噉同BB傾計！BB～爸爸媽媽會以最大嘅愛包圍住你！Love you！”

張美妮同林峯、楊怡系1999年無線電視藝員訓練班中嘅第13期成员！

所飾演嘅角色都系茄喱啡角色，喺2009年開始，張美妮飾演嘅角色開始露出頭角，好似《碧血鹽梟》嘅妓女映月、《真相》嘅黃雅樂（細C）、《沖呀！瘦薪兵團》中嘅閔家麗、《心路GPS》嘅胡麗芬以及《師父·明白了》嘅冬梅等。