日前，藝人譚凱琪、劉穎鏇、丁子朗等人就一同出席咗《ANNASUI筑夢人魚公主淡香水推廣會活動》，大家服飾都統一用藍綠色調，顯得零舍神秘又清爽，譚凱琪更以「V領」閃爆短裙亮相，好吸睛。
今日就爆出藝人許志安同黃心穎喺車廂中「偷食」，而正在同馬國明一齊拍攝《降魔的2.0》嘅譚凱琪就表示：「馬國明個人人品好好，系一個暖男，但系平時好少提到感情事。（替佢慘？）要了解呢件事情先，我一定會撐佢，個心都系關心佢。」
另一邊同系港姐出身嘅劉穎鏇，就表示黃心穎系《學是學非》嘅師姐，雖然得到對方嘅照顧，不過雙方就冇傾私人事。
話時話，譚凱琪對于香水都系情有獨鐘，用佢話嚟講系：「扮靚之余都要香噴噴，如果嗰日噴咗香水，都會多咗人撩我傾計。」
至於會唔會介意男士嘅體味，譚凱琪就表示：「如果佢有留意到自己，有注重干凈，做咗所有嘢都解決唔到，都冇辦法，如果佢完全唔理就唔得，我覺得香味都好重要，尤其初次拍拖，大家都會特別注重儀容。（會唔會幫男友選古龍水？）等下幫佢選一支！因為佢噴完系我聞，所以我會揀自己鐘意嘅味道。」
1981年出世嘅譚凱琪，曾經去日本讀書，譚凱琪系日本音樂家小室哲哉嘅弟子之一，后來因為受到語言限制到機會有限，譚凱琪最終都系選擇返香港發展。
曾經加入香港有線電視嘅佢，至2013年嗰陣先轉投TVB。
期間，佢曾經參與拍攝過唔少嘅電視劇集，比如《我們的天空》、《刀下留人》、《城寨英雄》、《財神駕到》、《不懂撒嬌的女人》、《致命複活》、《誇世代》、《踩過界》、《平安穀之詭穀傳說》、《大帥哥》等。 
而佢都憑借喺《大帥哥》中飾演嘅反派日本間諜，而人氣急升。
據悉，喺跟住落嚟嘅新劇《金宵大廈》、《過街英雄》、《包青天再起風云》中均有份演出，大家不妨一齊拭目以待！
Like MisshkNews Facebook！不出门也能知天下事～
