52歲嘅林家棟，入行已經31年，2017年憑電影《樹大招風》終于一嘗影帝夢，演技備受肯定，雖然攞咗影帝獎座，未能助其事業飛升，但這唔阻佢對演員呢一個職業嘅熱愛。
佢曾經喺受訪時表示工作就系生活，有時睇劇本就瞓著咗，等到手腳發麻醒咗后再繼續睇，呢種冇錢冇名氣嘅生活，其他藝人可能無法接受，但佢就好享受！
儘管林家棟喺影壇默默耕耘18年，名氣依然無法同古天樂比，但早年喺TVB拍劇時，佢都系當家小生之一，1997年由佢同周海媚主演嘅《大鬧廣昌隆》叫好叫座，甚至被稱為港版“人鬼情未了”。
之后人氣急升嘅佢，又同張可頤拍乸演出咗《茶是鄉下濃》，并憑借方有為一角，奪得頒獎禮，”我最愛電視角色”獎，正式晉升為TVB一線小生之位。
然而就喺事業即將飛黃騰達之際，佢選擇轉投大螢幕，2001年佢過檔到劉德華旗下，原先以為會一鳴驚人，可惜等咗12年，唔單止未能好似張家輝嗰般苦盡甘來，反而連最基本嘅溫飽都勉強。
2011年林家棟就曾經被傳媒報道同無線小生合作開火鍋店幫補家用，不過為咗強撐面子，佢一再否認自己搞副業，直言自己片約不斷。
但隨后就被踢爆窮到冇錢換車，按道理講，好似佢噉有資歷嘅藝人，就算冇大富大貴、都唔應該十幾年如一日開住2001年嘅老爺車，唔怪得攞金像影帝之后，佢一度自嘲自己系“冇女友、冇房產、冇片酬”嘅三無影帝。
經歷咗大起大落，林家棟對自己嘅定位頗為準確，唔計名利嘅佢就算攞咗影帝，都依然系唔介意做配角，所以過去5年間，佢擔正做男主角嘅電影幾乎為零，好似最近喺熱播嘅《反貪風暴4》，佢都延續配角一職，與古天樂、林峯等人大飆演技，因為戲份集中喺監獄內，所以有唔少動作戲。
對此林家棟坦言，望住四面密不透風嘅墻，以及凍冰冰嘅鐵窗，完全體會到男人猶如困獸斗嘅情緒，再加埋空間狹小，林峯又不時挑釁自己，自然令矛盾加劇。可惜嘅系黃文彬嘅狠不及季正雄，所以無論談資定出彩度都唔夠首度挑戰奸角嘅林峯！
好在可唔可以出風頭對于林家棟嚟講唔緊要，睇透一切嘅佢早就另辟蹊徑，除咗喺2010年首度嘗試監制一職，投資拍攝咗金像獎最佳電影《打擂臺》之外，近年開始佢仲準備跨行做編劇，據悉佢已經籌備3年寫完一個劇本，跟住落嚟會畀投資方睇，希望到時能夠自己做監制同主演。
事業上起起伏伏，感情上可唔可以跟上郭富城、黎明等人嘅腳步呢？話曬圈內人好多都有家室，凈系得林家棟依然孤身一人。
儘管此前曾經有報道，佢同馮寶寶嘅侄女拍拖咗13年，但傾到婚嫁大事，林家棟就毫不避忌嘅表示，以前一直想揾一個條件好D嘅對象，但人哋可能會覺得你嘅條件又唔系咁好，所以而家我都唔會去要求咩，將來可能會閃婚，但呢一刻，我都未遇到，一切就隨緣啦！！睇嚟兩個人已經分咗手好久！
雖然辛苦大半生，到頭來咩都冇，好似真系好唔抵！就算當初佢繼續留喺TVB打拼，時至今日又真系可以開心？
話曬這些年嚟，從TVB出走嘅藝人如潮水一般，就算系林峯，都凈系重回拍《使徒行者3》啫，可見今時今日嘅TVB已經冇咗吸引力，如果等到而家先轉投大螢幕，咁又有幾多個18年嚟成就林家棟呢？所以話子非魚焉知魚之樂？而家嘅林家棟雖唔系最副商業價值嘅影帝，但卻系最讓人敬佩嘅藝人！
Like MisshkNews Facebook！不出门也能知天下事～
