日前，藝人伍詠薇（伍姑娘）出席咗「香港國際影視展」ViuTV新劇《嘆息橋》嘅發布會，喺活動中，佢就透露今次嘅新角色，系全劇中最難琢磨、最難飾演嘅一個角色。
佢話：「其實成部劇系講一啲好『貼地』嘅嘢，每個人生活嘅模式，即系每個人睇每件事嘅角度唔同，個攝影手法真系好得意。」misshk已經開始期待，唔知到時出嚟嘅效果又會系點嘅呢？ 
其實伍姑娘曾經服務TVB成廿年嘅時間，佢參演嘅首部電視劇集《鎮金女人周記2》中就已經擔正做第一女主角。而劇集播出后更加系好評不斷，伍姑娘因此人氣急升，備受關注。
火速上位嘅佢，喺跟住落嚟嘅新劇中均擔任主要角色，比如《醫神華佗》、《無業樓民》、《街市的童話》、《銀樓金粉》、《刑事情報科》、《金枝欲孽貳》、《大唐雙龍傳》、《窈窕熟女》、《高朋滿座》、《翻叮一族》等。
不過可惜嘅系，伍姑娘喺2013年嗰陣就離巢TVB轉戰內地，2017年佢更與黃宗澤、吳卓羲等拍乸出演咗《飛虎之潛行極戰》，讓佢人氣再度急升。
至於而家拍攝咗《嘆息橋》，再返TVB拍劇系咪有難度時，伍姑娘就輕鬆表示唔認同。 
佢話：「早幾年大家可能緊張啲，但系去到而家呢個年頭，呢一、兩年，大家都系行嚟行去，或者去呢個平臺拍完，再返去嗰個平臺拍，你見到好多，所以我覺得唔會咁小氣，只要個演員啱部戲嘅話，我覺得一個監制，或者公司會自動搵你。」 
佢仲繼續講：「因為電影業再次蓬勃起來，之前就唔夠多電影，做嚟做去都系嗰班人，而家就好咗好多，古生（古天樂）上咗臺之后，唔錯呀！港產片多咗好多機會，劇本靚咗好多啦，電視劇又多咗，又有網劇。不過，無論點都好，我哋作為專業、實干嘅演員，有團火喺度最緊要。」 
Like MisshkNews Facebook！不出门也能知天下事～
