前香港先生為新劇飾演絕症病人「絕食暴瘦」，他經歷什麼？

尋日，香港國際影視展正式舉行，其中有份出席嘅TVB當紅小生袁偉豪，為自己有份主演嘅新劇《鐵探》做宣傳，據聞《鐵探》，亦系「TVB2019戲劇綜藝發布會」中嘅10部王牌劇之一，相信各位劇迷都好期待！

除咗袁偉豪之外，《鐵探》嘅一眾演員都有份出席，包括影后惠英紅、姜皓文等到現場為劇集打氣宣傳。

受訪嘅時候，袁偉豪透露，自己今次喺新劇中將飾演一個患絕症嘅病人，呢對于自己嘅喺演生涯而言系首次演這樣嘅角色，絕對系一個大挑戰。

話明系飾演病人，仲要系絕症病人，梗系要畀觀眾一眼睇落就好唔健康嘅樣啦，但袁偉豪平時嘅形象好健康，而且仲玩健身，胸肌腹肌超級迷人，睇怕為咗角色，男神要準備唔少功夫嘞。

對此，袁偉豪表示要呈現睇上嚟系一個極度不健康嘅樣，自然唔可以做運動，而且唯有用最唔健康嘅方式，絕食嚟減磅。

佢話：「喺劇中嘅角色由於頭部中咗槍后患上傷後遺症，有失禁、鼻流等慘況，為咗要將呢啲病入膏肓嘅狀態完美呈現，我要喺三個月激減二十磅去到一個消瘦狀態。加埋我本身有肌肉底，要吃好少嘢將肌肉消走，同平時做運動好結實嘅firm嗰種減磅完全兩回事，唔同嘅。」

問到絕食過程中餐單？袁偉豪就透露，唯有食淡而無味而且極少量，就好似可以維持到生命所需就得：「早餐食粟米片、烚雞蛋同飲一杯咖啡；到后期就將烚雞蛋擺喺午餐先可以食；晚餐就煎一個番茄食。」

佢又坦言，絕食過程好辛苦，事關本身自己好为食，所以每當面對美食誘惑嘅時候，自己真系好難忍口。

袁偉豪表示：「好難忍口，好辛苦！劇組放飯嘅時候，我咪行去聞下飯盒，跟住自己就行開，一路食自己準備嘅絕食飯盒。不過你知啦，劇組成日好多時都會有宵夜，我正餐都唔食，不過有時偷偷地食個蛋撻、菠蘿包，讓自己有D甜品落肚！」

就噉樣，歷時三個月，袁偉豪嘅體重極速減磅至140磅，一向肌肉結實讓人感覺大隻嘅佢，減磅之后畀人感覺真系就系一個唔健康嘅病人。

佢坦言，呢個系人生第一次有噉嘅體驗，喺自己減磅之后，佢甚至明顯覺得自己變得孱弱，更一度畀外界誤以為自己患上重病，令佢好無奈。