現年34歲前TVB小花楊愛瑾，今日喺社交網正式宣布再度榮升人母！原來日前，佢已經順利誕下二胎B女，已經有咗一子嘅楊愛瑾曾經公開表示，希望可以追生多一個女湊成一對「好」字，而家終于如愿以償，仔女雙全，認真恭喜恭喜！
楊愛瑾又喺社交網曬出兩張靚相，一張系手攬住B女嘅相，而另一張就系自己與老公相視而笑，感覺勁溫馨有愛！唔少網民都紛紛點贊，并留言祝福！
事后，有記者致電楊愛瑾訪問，佢透露自己現時已經開始坐月，并多謝外界對自己嘅關心，又興奮表示感恩上天賜予自己一個咁完美嘅家庭。
1985年出世嘅楊愛瑾，相信好多人都記得佢曾經系香港女子組合Cookies之一。當年呢個組合一共9個人，后來就變得返4個，分別就系楊愛瑾、鄧麗欣、傅穎以及吳雨霏。呢四位曾經紅極一時嘅女仔，而家都各有各嘅生活同發展。
楊愛瑾曾經2008年簽約喺TVB旗下發展，為無線J2頻道擔任愛情訪談節目嘅主持人，形象深入民心。另外，佢又同時接拍無線電視劇，作品包括《神槍狙擊》、《貓屎媽媽》等。未知各位劇迷有無印象呢？
2009年，楊愛瑾又接拍人氣電影《喜愛夜蒲》，并重新投入模特兒行列，備受廣大廣告商嘅青睞，不時獲邀出席活動擔任表演嘉賓。
2012年，楊愛瑾又重返TVB，又為節目《樓上有寶》擔任主持工作。同年，佢簽約TVB旗下嘅星夢娛樂，并推出新歌《綿羊》。
2016年，楊愛瑾與男友郭永淳宣布結婚，結束長達9年嘅愛情長跑，升級做人妻，并于次年為老公順產誕下仔仔Luken。
舊年10月，楊愛瑾宣布懷上二胎，而家終于順利誕下二胎女女，并攞英文名為Emma。喺呢度，misshk恭喜楊愛瑾，希望B女健康成長！
Like MisshkNews Facebook！不出门也能知天下事～
