TVB除咗有當紅小生花旦之外，仲有一班演技好嘅綠葉演員為劇集添加戲味。喺新劇《福爾摩師奶》中有一位綠葉演員趙樂賢入行到而家14年，飾演過無數角色，雖然冇大紅大紫，但都畀觀眾留低唔少深刻印象。
現年39歲TVB藝人趙樂賢，喺2005年參加無線第十九期藝員訓練班入行，早期角色以茄喱啡為主，由于常演出差佬一類角色，故畀誤認為真系差佬。
2016年佢喺劇集《純熟意外》中飾演速遞員吳耀達一角，自殺戲份演繹出色而畀觀眾大贊，更加獲唔少香港網民封為“TVB綠葉”。 
之后佢畀好友鄭世豪邀請拍攝《仍堅持》MV，佢亦喺MV中首度公開自己另一個身分：裝修工人。趙樂賢接受媒體訪問時講：
“最開始嘅時候，我系唔會同同事話我副業其實就系裝修工人，因為開始都怕畀人覺得自己系低下工人，但系之后都唔介意講出嚟，始終都要賺錢養家嘅。（裝修賺得多呀？）呢個比較唔穩定，所以兩份工系缺一不可！”
每份職業背后都有辛酸，更何況打兩份工？趙樂賢除咗幾乎冇假期好好休息，有時仲會因為工作好辛苦而影響演出表現：
“記得有一次，朝頭早又有裝修工作，油漆導致手酸痛乏力，啱啱我嗰一場戲要飾演好犀利賊嘅角色，要拿仂住電筒照個位，監制即刻話Cut，問我點解對手震到咁犀利，當時我冇理由同佢講，我朝早啱啱開完裝修，唯有講聲唔好意思，整多幾次鏡頭。的確有時真系太攰，真系會令拍攝嘅時候表現唔系幾好。” 
現時育有一對仔女嘅佢，亦坦言曾經多次覺得氣餒，想放棄做演員全職做裝修：
「每一次人生出現變化嘅時候，都會諗住放棄做演員，因為想有一份穩定嘅收入，例如結婚、仔女嘅出世。但系每次都會突然間遇到一啲有發揮嘅角色，或者又會遇到觀眾朋友嘅鼓勵，又堅持落去。」
趙樂賢都唔介意自己一直都做配角，佢表示最開始嘅時候，梗系想做主角，但演落去就會好快知道自己嘅定位，做綠葉就做綠葉，最緊要有本份，只要畀心機，一定會有人留意到嘅。
Like MisshkNews Facebook！不出门也能知天下事～
