前亞姐被傳整容失敗消失娛樂圈，而家親自接受訪問解釋

前TVB花旦、亞姐冠軍韓君婷，呢排接受媒體訪問，回應消失娛樂圈、整容失敗等謠言，韓君婷喺訪問中回應消失謠言。

「當時好多謠言，話我唔知去邊到，其實我返去新加坡，因為2007年開始情緒低落，所以用咗兩年時間睇醫生。」

1997年韓君婷由新加坡返香港參加亞洲小姐并奪得亞軍，不過當年嘅亞姐冠軍朱燕珍因為隱瞞婚姻而畀取消資格，令到韓君婷一躍成為冠軍。

2001年時轉投TVB，喺《西關大少》中飾演張智霖同學羅碧琪并暗戀佢，《棟篤神探》里飾演黃子華警隊同事索瑪莉，韓君婷嘅呢啲配角都畀觀眾留過印象，加埋混血兒嘅獨特外貌喺一眾藝人中較為出位，喺當時都算小有名氣。

TVB都曾經力捧過佢，2003年到2005年期間，韓君婷畀提名過最佳女主角同兩次飛躍進步女藝員，不過佢2006年選擇離開TVB去亞視。

但當時亞視已經停止電視劇制作，所以韓君婷唯有擔任一啲綜藝節目主持，令到韓君婷名氣逐漸下滑，加埋情緒病困擾，最后索性喺2010年時退出香港娛樂圈，返回新加坡做一個朝九晚五嘅白領。

不過四年半后韓君婷又掛住香港，於是回流香港發展。佢話：「咁多年冇見過朋友、業內同事，都有少少擔心以前嘅感情重喺唔喺到，但好在我系大笑姑婆，見到佢哋都會好興奮撲埋去，又會擁抱，又會好開心嘅傾計。」

韓君婷仲喺訪問中提到，的士司機都以為佢整容失敗，佢即刻澄清個鼻系意外摔傷。原來韓君婷2014年嗰陣喺沖涼房唔小心跣親撞歪鼻骨，佢話「其實整親個鼻之后，又整唔返原狀，期間有三年時間唔敢處理個鼻，之后先去做矯正手術。」

意外發生后，因為冇及時治療，導致個鼻受傷位畀細菌感染，問咗好多醫生都唔敢同佢做整容手術。

多方詢問后得到答案，系肯定返唔到1997年亞姐當選時嘅美貌，但對生活冇影響，都冇生命危險。最后佢決定接受自己而家嘅外貌，然后將經驗同其他有需要嘅人分享。

2015年啱復出時韓君婷四出洽談工作，積極復出，簽落好多商演，都與TVB高層接觸過，睇系咪有機會拍劇。不過最后冇咗下文，預系冇同TVB談妥。

近年韓君婷憑借呢幾年咨詢美容醫生累積嘅經驗，畀一家美容院聘請，擔任皮膚顧問，幫助有需要嘅人以淺入深解答問題，即便名氣外貌不如前，但系一樣生活得逍遙自在。

其實好似韓君婷噉嘅女藝人復出嘅話，而家喺娛樂圈嘅地位頗為尷尬，雖然后生嗰陣小有名氣，但系始終唔系一線花旦，再拍劇拍電影嘅話，好難與后生小花競爭，而家專心美容事業同商演未必唔系好事。