較早前40歲女星蓋世寶啱啱宣布與TVB約滿離巢后，今日又輪到一樣系兒童節目主持出身嘅李天翔喺社交網上宣布離巢，并將喺今年嘅五月份正式同TVB結束23年嘅賓主關系。
相信該消息對于唔少觀眾嚟講都好可惜嘅，話曬呢啲經典嘅人物可謂系走一個少一個。
李天翔就喺社交網上留言話：”今日做出咗決定，離開唔代表放棄、灰心，只系希望往后嘅路可以走得更遠，感激一直陪伴住嘅我粉絲們。多謝你哋嘅愛同支持！”唔知點解，misshk見到佢噉嘅一番說話，竟然覺得鼻酸酸，實在系唔舍得。 
1976年生嘅李天翔，喺畢業之后一直喺游戲機嘅鋪頭做嘢，對于未來并無幾大嘅抱負，都冇任何嘅職業志向。或者系命中注定，喺睇到TVB嘅電視藝員訓練班招生海報時，竟然讓佢心中激起咗漣漪，讓佢產生想要報考嘅沖動。 
直到1995年，李天翔就參加咗TVB第八期藝員訓練班，從而加入咗TVB，加入公司之初，李天翔主要擔任兒童節目嘅主持人，分別就有《閃電傳真機》、《至net小人類》，不過要讓人印象最深刻嘅，都系喺《認字特警》中，扮演嘅“認字唔認人”嘅“認字特警編號999”，由于帥氣嘅外形，當時成為唔少小朋友偶像哥哥，深受小朋友歡迎。 
隨后，李天翔進入戲劇組之后，卻大多數被安排飾演反派角色，譬如強奸犯、變態殺手或者系二世祖之類。雖然戲份唔多，但由于角色形象出位，佢演出讓觀眾留低咗深刻嘅印象，都對佢演技更加認可。 
譬如《古靈精探》、《金石良緣》、《原來愛上賊》、《銀樓金粉》、《我的如意狼君》、《拳王》、《初五啟市錄》、《賭場風雲》、《盛世仁傑》、《護花危情》、《法外風雲》、《為食神探》、《宮心計2深宮計》等。 
雖然備受認可，但由于觀眾好容易會將其角色形象代入生活當中，李天翔曾被外界攞景“奸邊全電視臺女星”，更加畀封為TVB“御用強奸犯”。噉嘅稱號無疑讓佢覺得尷尬，早就萌生褪意嘅佢，經過與高層多番交涉后，依然系無果。 
李天翔都表示自己曾經喺2015年嘅時候，就提出轉為兼職演員，佢話：“我唔想坐以待斃，我要主動出擊，自己去揾機會，北上又好同其他電視臺合作都好，我想自己爭取，雖然可能一個機會都無，但我想嘗試。” 
而喺跟住落嚟嘅TVB新劇《解決師》中，李天翔將首次擔任第三男主角，可以講開始受到重用，不過對此，李天翔就笑話：“點解會覺得開始重用我，喺《解決師》都算系第三，但唔代表啲咩，公司有搵我傾合約，只系我自己嘅決定。” 
唔理點，所謂“天下無不散之筵席”，希望李天翔可以發展得越嚟越好，繼續畀我哋帶嚟更好噶作品，期待！
Like MisshkNews Facebook！不出门也能知天下事～
