提起《阿爺廚房》，當然唔少得73歲金牌主持鼎爺李家鼎，其實佢唔單止識得煮，仲好打得，當年做龍虎武師出身嘅佢，擔任過TVB武術指導，一身健碩身材，可以睇又可以打，加埋煮得一手好菜，可謂風靡萬千少女！
不過佢就一啲都唔花心，1970年邂逅老婆施明，更加上演英雄救美架，話說有次施明撞車畀對方糾纏要脅，鼎爺知道后即刻挺身而出幫手，成功抱到美人歸。
其后兩人于1977年結婚，結婚之后誕下孖仔李泳漢同李泳豪，一家四口樂都融融，鼎爺更將財政大權交畀老婆，可謂非常錫施明，無奈兩個人就因為性格不合令感情轉淡，更加因為一件小事，導致于1994年離婚。
而家回想鼎爺依然系視為人生一大遺憾：「嗰陣施明生日，有學生打電話嚟想學騎馬，佢唔開心就將自己關喺房內，我想打開門嘅時候，竟然唔小心好大力打穿咗一個窿，從此佢就唔再理我，之后無幾耐，就提出離婚。」期間鼎爺一直堅持拒絕簽字，但施明選擇帶同兩子移居美國，鼎爺最終唯有無奈同意離婚。
不過當施明1999年回流時，又再令鼎爺重燃希望：「當時我好想同施明復合，求咗佢十幾次都被拒絕，但我無放棄，當時無搵伴侶都系想復合。」
雖然最終復合無望，但系鼎爺多年嚟一直堅持負起老公同阿爸嘅責任：「離婚多年，我都會俾錢施明，最多盡量慳啲啦，兩個仔細嘅時候，就畀多啲，因為我系老竇。」據知鼎爺單身多年，直至近年先覓得第二春，可見佢有幾情深。
而除咗愛情得意，鼎爺更憑TVB節目《阿爺廚房》成功爆紅，又開餐廳進軍飲食界，成為娛樂圈炙手可熱嘅烹飪高手。 
Like MisshkNews Facebook！不出门也能知天下事～
