24歲應屆港姐冠軍為參選“華姐”積極備戰：比選港姐時更勤力

現年24歲應屆港姐冠軍陳曉華，今日同鄧卓殷、羅天宇以及郭子豪等人，齊齊現身喺尖沙嘴為出席公開活動。期間，受訪時陳曉華透露，宜家仍然為即將喺3月份舉行嘅「華姐」（國際中華小姐競選）備戰，務求以最佳狀態上陣。

佢話：「因為要拍攝，自己已經習慣咗吃宵夜，而家都戒宵夜喇，但系新年要戒口都幾慘，除咗戒口，仲爭啲日日做運動keep fit。」陳曉華又笑指，今次備戰「華姐」似乎要比舊年參選港姐時更加勤力，不過對自己現時身形線條各方面尚算滿意。

陳曉華表示：「多得鄧卓殷給予我唔少嘅支持同鼓勵！（鄧卓殷點樣支持你？）都有鼓勵我，或者同我出街嘅時候，佢就將所有嘢都食咗，跟住我就睇佢喺食啦，哈哈。」

1995年出世嘅陳曉華，畢業于香港中文大學聯合書院。據聞，佢喺大學期間已經投身娛樂圈擔任兼職模特兒，拍攝過唔少平面同宣傳廣告。

2016年嘅時候，佢有參加過時裝雜志《ViVi》嘅香港區讀者模特兒選拔賽，最后并獲得「最受化妝師歡迎大獎」以及「美發大獎」兩個獎。從2017年起，陳曉華畀指定為該雜志擔任兼職模特兒。

陳曉華曾經透露，自己之所以選擇參選港姐，其實系源自于細個嘅夢想，諗唔到長大之后竟然可以美夢成真！

佢指細個嗰陣，曾經因病入院治療，期間獲得2001年度港姐冠軍楊思琦去醫院探訪，當時年紀尚細嘅陳曉華覺得好溫暖，於是內心就萌生咗長大之后要去參選港姐嘅念頭，而且多年嚟從來都未改變。

陳曉華曾經喺精神病院參與護士實習嘅工作，當年喺精神病院度，佢遇到一位患有精神分裂女病人，對方話畀佢自己知道，對於自己唔可以離開病房而覺得好失落同沮喪。正正因為咁一番話，令到初出茅廬嘅陳曉華茅塞頓開，有所領悟。

佢話自由系無價嘅，佢應該好好享受自由去追求自己嘅夢想。於是佢喺次年就即刻報名參加港姐競選，希望可以完成細個嘅夢想。無諗過，陳曉華最后以大熱姿態殺入總決賽，并奪得咗最高投票成為2018年度香港小姐競選總冠軍得主。