藝人林盛斌（Bob）要養活一家六口，一啲都唔簡單。較早時佢仲要為搬屋而煩惱，真系有苦自己知！今日，佢喺社交網上載咗一張捐精合格紙，仲講為咗賺錢幫補一下家計，所以就走咗去捐精。
相中資料顯示，39歲阿Bob昨日（28號）去捐精，有補水五千蚊之余，仲有慰問金一千蚊添！而Bob嘅精子質量更達A＋級別，認真犀利！
此外，資料都顯示佢捐精次數達十次，真系少啲精力都唔得！Bob有感而發留言：「呢期搬屋用咗好多錢，出面個市又好靜，真系無辦法，諗咗好耐，昨日終于去咗，都好，賺番少少，夠交呢兩個月水電煤。」 
真系咁爆……？對于捐精一事，Bob接受訪問時表示只系講笑：「喺朋友嘅社交平臺見到，問佢系乜，原來系圖片制作器，覺得幾攪笑，連朋友都走來問我系咪真系去捐精！」張圖像真度好高，連高海寧同蔡卓妍（阿Sa）都畀Bob呃咗，行去留言問佢系咪真！
Like MisshkNews Facebook！不出门也能知天下事～
