姚子羚自曝有仔陪過年，陳瀅堅稱單身無男友……

無線劇集《黃金有罪》演員姚子羚與陳瀅等人，晚上喺佐敦為劇集舉行煞科宴。陳瀅指好開心凈系用咗三個月完成劇集連外景拍攝。

佢笑說：「拍攝時發生咗一件趣事，有場戲喺墓地拍攝時身體不適，忍唔住嘔喺墳墓度，系咁講對唔住。」姚子羚就話：「我都完成咗好多淋雨戲，又喺山頂吹風，去到尾聲時終于病咗，依家好番。」

講到舊歷新年，陳瀅透露會翻溫哥華探親，問到會否帶緋聞男友陳家樂去見外婆？她笑說：「一個人去咋，依家單身無男友，戲入面嘅男朋友就系洪永城。」

姚子羚笑說：「陳家樂外型好過洪永城喎！」

姚子羚就透露新年會同吳卓羲到加拿大登臺：「會合唱《誰令你心癡》，但唔知佢識唔識唱《別怪他》，都開心嘅，咁至少有一個男仔陪我喺外地過新年。」問到有無心急搵男朋友？

姚子羚笑說：「隨緣，再講好似好心急咁，可能會喺飛機度撞到呢，或者叫妹妹（陳瀅）介紹畀我羅。」陳瀅聽到就一面尷尬。