准40歲鄧麗欣實行催婚政策！姊妹幫手，臺灣置業等嫁小白臉

鄧麗欣同臺灣男友王子邱勝翊下個月就拍拖滿一周年，兩人愈愛愈高調，對呢段情極之投入嘅鄧麗欣，為拉近同男友距離，上年十月喺臺北信義區投資開設飲品店。

鄧麗欣2016年同方力申分手，單身兩年，雖然傳出過同排球隊教練小牛拍拖，又傳過同方力申復合，終于舊年初遇上真愛。

經由好友應采兒牽線同臺灣棒棒堂成員王子發展姐弟戀，無懼六年年齡差距異地分隔，拍拖兩個月已經愛得癡纏，飛蘇梅島為王子慶生定情。

比男友王子徹底俘虜嘅鄧麗欣都一改以往低調作風，同王子拍拖以嚟就不停騷恩愛。

同王子拍拖后鄧麗欣亦變身王子品牌代言，不停騷男友出品嘅衫、產品，比老板王子更落力宣傳。

上年鄧麗欣生日，王子連環送驚喜，約朋友一齊慶祝，又安排一日過二人世界，周到又細心。

今年已經36歲鄧麗欣已經想快啲結婚，好姊妹吳雨霏同楊愛瑾都先后成為人妻人母，佢真人亦開到口隨時閃婚。

据悉好姊妹杨爱瑾及吴雨霏，每次见到王子都有帮口催婚。

鄧麗欣方面就相當積極，頻繁飛去臺灣睇樓，諗住置業，隨時準備嫁人。