現年38歲TVB小生黃建東，曾經于2016年因為二次創作日本洗腦歌《PPAP》廣東話粗口諧音版，而深受網民熱捧令佢人氣大升，知名度大增！而當中啲歌詞pork Lego guy嘅改編，更令黃建東成為咗一時嘅佳話。
日前，黃建東現身出席慈善活動，期間受訪時佢透露自己不斷收到粉絲“投訴”，指佢咁耐都冇攪笑短片新作面世。 
佢話：“因為呢排忙住開兩部劇，又唔停出商演賺錢，所以先冇時間去拍攝攪笑短片，收到好多投訴，問我點解仲未出新片，而家我諗住喺舊歷新年前會拍一條新片，以豬年為主題。” 
談到身型似乎又肥咗唔少，黃建東都唔避忌直言：”系呀，我而家都200磅，七年前選港男我就系130磅，真系肥咗好多，不過粉絲就鐘意我肥啲，感覺親切啲，更容易啲入屋。（有無考慮喼弗？）咁新年愿望希望有無瘦身公司搵我代言啦！哈哈。” 
1981年出世嘅黃建東，曾經于2011年參加香港先生競選奪得“演藝潛能大獎”入行，出道之后黃建東主力拍攝，不過早期一直都演一啲閑角，未能令觀眾留深刻印象。
直到2014年，佢喺劇集《食為奴》中扮演“九阿哥”一角人氣急升，角色戲份相當重，令佢演技有所發揮，大獲觀眾好評。
之后，黃建東繼續參演多部無線劇集，戲份都都開始加重，譬如《師奶MADAM》、《四個女仔三個BAR》、《天眼》、《水發胭脂》、《鬼同你OT》、《拆局專家》、《樓奴》、《收規華》、《陪著你走》、《無雙譜》、《張保仔》以及《東坡家事》等。 
近年，黃建東成為TVB娛樂新聞臺嘅固定主持人，同時更為無線監制常用嘅綠葉演員之一，活躍度同出鏡率都可謂非常之高喇。單單喺舊年，黃建東已經喺多部劇集中亮相，包《逆緣》、《是咁的，法官閣下》以及臺慶劇《兄弟》等。 
據悉，喺跟住多部TVB未播映嘅新劇中，包括《十二傳說》、《丫鬟大聯盟》、《C9特工》、《機場特警》以及《黃金有罪》等，都有黃建東嘅出色演繹，各位劇迷記得收看喇！
Like MisshkNews Facebook！不出门也能知天下事～
