“別再做情人，做只貓做只狗不做情人，做只寵物至少可愛迷人，和你不瞅不睬最終只會成為敵人，淪為舊朋友，是否又稱心沒有心只像閒人，若有空難道有空可接吻，註定似過路人陌生，你怎麼手震……”
相信當年古巨基呢首《愛與誠》大家都耳熟能詳啦～，不過睇真啲，原來當年呢首《愛與誠》嘅MV就系而家TVB花旦胡定欣同古巨基一同拍攝嘅作品，睇返當時嘅佢哋，都好青澀好得意呀！ 
咁最近古巨基嘅新歌《亂世情侶》嘅MV，喺琴日就已經播出，今次更加系搵翻老拍乸胡定欣再次演出。數數手指，原來兩個人上一次合作已經系14年前嘅事，而家兩人“再續前緣”，唔知又會擦出咩火花呢？ 
相隔14年再度合作，古巨基就對胡定欣話：“好特別呀個感覺，我哋啱啱傾計，都話眨下眼就過咗咁多年，所以可以再請你嚟拍我MV，我好開心。佢拍劇時間好忙，好耐冇為人做MV女主角，所以我喺度特別要感謝佢，好多人所講嘅‘回憶殺’，我想我哋今次拍MV就系啦。” 
不過胡定欣喺拍完《包青天再起風云》之后就暫時再無接拍新劇，后來一段時間又忙住同馬浚偉一同演出舞臺劇，今次拍攝MV，可以講系佢“出山”之作，佢話：“我舊年5月做完舞臺劇之后，就無做過戲啦！所以，今日系我第一次返工，我頭先都覺得系時候要重新開始喇。” 
對于“出山”拍攝嘅MV，胡定欣就話：“今朝喺車上聽佢講嘅時候，我已經好有畫面、好感動，可能因為人大咗，或者經歷多咗，對呢啲事會好感受到。其實我哋做呢行都系，沒日沒夜，好多好重要嘅moments或者好似首歌講嘅人與人之間，最重要的感情、過程中緊扣嘅感覺缺乏喇。” 
其實講到胡定欣，1981年生嘅佢曾經都系歌手出身，后來加入到TVB第18期藝員訓練班而開始入行發展其演藝路。不過因為其出色嘅表現，胡定欣仲未畢業就畀監制指名拍攝《沖上云霄》馬德鐘嘅細妹。 
期間，佢都參演咗唔少嘅電視劇集，譬如《銀樓金粉》、《巾幗梟雄》、《法證先鋒3》、《萬凰之王》、《大太監》、《鬼同你OT》、《城寨英雄》等。最終都憑借其精湛嘅演技兩度奪得咗萬千星輝頒獎典禮嘅最佳女主角獎。 
喺跟住落嚟嘅TVB新劇《包青天再起風云》中，胡定欣同樣有份出演，唔知屆時佢又會繼續畀我哋帶嚟點精彩噶演出呢？大家不妨一齊拭目以待！
Like MisshkNews Facebook！不出门也能知天下事～
