對于TVB粉絲嚟講，梁家樹與曾勵珍之間嘅派系之爭系眾所周知，加埋當年曾勵珍為咗扶持自己旗下嘅小生：歐陽震華、陳豪、林保怡、馬浚偉等上位，重將古天樂嘅經紀人炒咗魷魚，致使重情義嘅古仔都一氣之下解咗約！
隨之梁派元氣大傷，曾派先得以突出重圍，慢慢積聚勢力。原先以為職場上嘅紛爭只存在梁家樹同曾勵珍之間，諗唔到，原來曾出任TVB總經理嘅陳志云都同曾姐有恩怨！
近期正在做《志云尋志云》演嘢會嘅佢，就喺幕前大爆當年往事！
事源于六嬸掌權TVB之后，就空降咗自己嘅親信樂易玲做藝員部資源總監，處理旗下藝人外聯嘅一切事物。雖然樂小姐當時無法正面抗衡曾勵珍，但秉承住“敵人嘅敵人就系朋友”嘅原則，佢迅速與勢頭漸衰嘅梁家樹達成咗統一戰線，所以權斗期間，曾姐都曾經因為一啲事情嬲到遞上辭職信！ 
但系返到屋企冷靜落嚟之后，佢又覺得后悔，於是拜託陳志云截住嗰封辭職信，唔好去上報。
顧及同事之情，陳志云當然義不容辭幫咗對方，點知2010年當陳志云畀舉報貪污嘅時候，曾勵珍冇同佢講一句說話，反而有啲趁佢病，攞佢命。呢個場景令佢感慨人情冷暖，到而家仍然無法忘懷！
之后，佢又講起TVB而家一臺獨大唔系好事，加埋人才凋零，只掛住從ATV挖角過檔，搞到而家嘅TVB一陣亞視味，好似以前嘅無線已經不存在嘞！ 
雖然陳志云言辭之間對TVB諸多意見，但不得不承認嘅系佢對TVB嘅貢獻同愛仲好深。
想當年如果唔系佢，已經畀邊緣化嘅陳鍵鋒、陳法拉都得唔到重用，更加唔會成為五花五生！
而且喺綜藝節目制作方面，陳志云嘅經驗顯然比而家嘅余詠珊老道，由佢主持嘅《志云飯局》系當年嘅人氣口碑可謂相當火爆，尤其系請到咗因“艷照門”而暫時隱退嘅阿嬌復出后首次公開亮相，影響力可見一斑！ 
只可惜，一次涉嫌貪污嘅丑聞仲系終止咗佢喺TVB嘅職業生涯。
雖然而家佢仲活躍喺幕前，但話題同曝光度始終不及當年，都系可惜！
Like MisshkNews Facebook！不出门也能知天下事～
