張柏芝養仔花費大又冇贍養費，阿媽細佬都只能夠自力更生

佢喺澳洲讀完高中返香港，即刻畀星探睇啱拍廣告。自入行以嚟，張柏芝系圈中出名孝順錫屋企人，細佬爭賭債，佢幫手還；阿媽生意失敗，佢都幫手還。

好彩，張柏芝嘅事業運佳，周時有戲拍，阿媽細佬都過得好安樂。

但自從同謝霆鋒離婚之后，張柏芝全心身投入湊仔。

除咗加盟綜藝騷之外，所有長時間嘅劇集一律拒絕。

加埋當年拒絕咗謝霆鋒嘅贍養費，而家張柏芝賺錢唯有養兩個仔。

就連買火鍋湯料，張柏芝都會去內地工作嗰陣買，因為貪佢平。

失去咗張柏芝呢座大靠山，阿媽都要出嚟打工，到烘焙用品店做店務員，由低做起，自力更生。

聽講，栢芝阿媽日日由早十一點到晚八點睇店，工作相當勤快。

而當年好任性嘅細佬靠開的士為生，死慳死抵，平時凈系食30蚊茶餐廳快餐又坐巴士出行。

相比之下，憑借《12道鋒味》人氣急升嘅謝霆鋒，越賺越多，仲送畀謝賢價值8500萬港元淺水灣海景單位。

佢前幾年買咗500萬嘅勞斯萊斯送畀爸爸，而自己都大舉投資各種物業，生活咪提幾瀟灑。

不過，有時間都好好陪自己親生仔啦。