現年35歲洪永城舊年5月與拍拖2年嘅唐詩詠分手，期間呢，雖然曾有消息傳出復合，但佢就一直否認，仲強調想開始一段新戀情，無諗到上個月仲系單身嘅佢，呢排已經火速搭上模特兼長跑教練梁諾妍。
據悉擁有42寸長腿嘅梁諾妍系連詩雅師妹，因為身材保持得相當好，所以一度畀網民封為動感女神，畢業于多倫多大學，佢重曾系香港女排嘅隊員。 
而佢同洪永城結識都源于長跑呢項運動，加埋洪永城力追，兩個人就一拍即合，相戀短短時日就好癡纏，就算呢排男方忙于宣傳劇集《大帥哥》，都依舊爭取時間同女友密會！ 
日前下午三點，洪永城帶住梁諾妍由寓所一晚春宵后離開，原本佢系要車女友去地鐵站，但系沿途發現記者之后就轉變方向，仲不時兜圈，企圖甩掉傳媒，但身經百戰嘅狗仔隊又點會咁容易就甩掉呢？
無奈之下洪永城唯有載住梁諾妍直接駛進將軍澳電視城，希望將狗仔隊塞喺門外，不過話都冇咁快，記者先行一步跳落車，啱啱影到咗兩人坐喺車上嘅畫面，當堂畀斷正嘅洪永城唯有一直笑笑口示意，身旁嘅梁諾妍則一面尷尬，不斷低頭逃過畀拍。
進入電視城之后，洪永城即刻落車護送女友由另一出口離開，面對記者問及拍拖一事完全未有回應，只系嘴角含春嘅笑容出賣咗佢此刻甜蜜嘅心情。眼見記者一直跟拍，擔心女友被騷擾嘅洪永城，就男友力十足對記者話“唔好再拍咗，因住佢嚇親人”。
這時一直低頭不語嘅梁諾妍突然間捳頭，對住男友嫣然一笑，期間洪永城多次輕撫佢嘅膊頭表示安慰，然后梁諾妍就直接飛奔上一部私家車離開。敬業嘅記者都冇放棄，繼續追跡梁諾妍到中環嘅健身中心，仲等咗成2鐘，希望可以詳細了解兩個人嘅拍拖過程，不過外表冷酷嘅梁諾妍就默然無語，始終無視記者嘅問題。 
反而第二日，繼續喺電視城蹲守嘅記者們終于撬開咗洪永城嘅嘴，一直望住鏡頭甜笑嘅佢，表示同梁諾妍仍喺了解中，至於報道中提到對方有一個北京男友，佢就一面認真嘅予以否認，之后就話，希望大家畀啲空間，講完就即刻落廠開拍新劇《黃金有罪》。 
前男友畀爆新戀情，作為絕世前女友嘅唐詩詠都未能逃過傳媒嘅追訪，今日畀問及洪永城拍拖一事嘅時候，佢就大方送上祝福，強調與洪永城分手之后都都系朋友，只要佢開心就得！ 
Like MisshkNews Facebook！不出门也能知天下事～
