日前，劉心悠就出席咗配飾品牌嘅活動，喺會上，劉心悠就表示自己喺讀書嗰陣曾經試過儲錢買名筆，不過就冇試過送筆畀男友。
她笑說：“不過好似煎過三文魚扒，雖然有一啲over cook，但有啲焦味都好好食，我唔記得系佢生日還系我生日，因為太遙遠啦！”至於距離圣誕節唔到一個月嘅時間，劉心悠就表示14號會有個騷，可以順便開party，佢話：”大家都系close friend，識咗好多年，而家唔想識新朋友。” 
而萬眾期待嘅《萬千星輝頒獎典禮》就喺下月舉行，不過較早前就宣布咗頒獎禮嘅入圍名單，《宮心計2深宮計》自播出以來一直都系收視口碑雙豐收，不過劇中嘅男主角馬浚偉竟然冇提名，包括主演嘅心悠都冇畀提名。 
對此，劉心悠就笑話：“佢已經系我心目中嘅最佳男主角，相處咗4、五個月，大家都見到佢付出嘅努力，I love him。佢喺我心目中已經系攞咗獎，我覺得獎項冇得預設，大家見到佢成果同努力系最緊要。” 
至於自己都冇畀提名，佢就話：“對我嚟講，同佢哋合作已經系得獎，因為我本身唔系TVB親生女，對我都系一個好大挑戰，我冇試過不停嘅拍劇，語言上又好大挑戰，我好似入咗訓練營，所以好感恩畀呢個機會我。” 
正如劉心悠所言，大家可以睇到佢哋嘅努力同成果就系最重要嘅，唔理有冇獎有冇提名，喺觀眾嘅心中，佢哋已經系最叻嘅。希望跟住劉心悠可以繼續畀我哋帶嚟多啲更精彩嘅作品，加油！
Like MisshkNews Facebook！不出门也能知天下事～
