日前，張文慈就忙于客串演出TVB新劇《法證先鋒4》，喺套戲入面仲將會同米雪、謝賢大演對手戲，這讓佢十分雀躍。不過喺拍攝一場戲受傷時，佢造型好逼真寫實，貪玩嘅佢，就喺社交網上載花絮劇照，這真系“嚇死曬D好朋友”！
畀一眾朋友追問發生咩事嘅張文慈，都知道自己呢次玩大咗，擒青澄清表示：“希望只系拍戲先有呢啲情形，現實生活就真系唔老利啦！今次系我首次登上白車，對樣樣儀器好似氧氣罩等等都覺得好新鮮，仲有嗰日講我喺條斜路被抬上車，都擔心會跌落去，好彩有驚無險。” 
咁講到張文慈，喺啱播完嘅臺慶劇《跳躍生命線》中，佢都演技大爆發，獲得唔少好評。劇中嘅佢畀馬德鐘發現拍咗輯錫士床照，淚眼汪汪嘅佢重霸氣反擊。 
但系當馬德鐘用父母同個女兒做攻擊時，眼淚瞬間決堤，淚流滿面但又堅持冇喊到失聲，喊戲都將感情嘅起伏演繹得好得當，唔少網民都表示睇到喊呀！ 
1971年生嘅張文慈，喺1996年嘅時候參加咗亞洲小姐競選，更獲得“最完美體態大獎”順利晉身決賽，畀視為熱門嘅佢最后就大熱倒灶，三甲不入。不過獲得公司賞識嘅佢都參演咗幾部經典劇集，譬如《肥貓正傳》、《我和僵尸有個約會》等。 
后尾轉投到TVB嘅佢，憑借《宮心計2深宮計》中嘅汪司膳一角，演技大獲好評，贊佢演技收放自如。而喺跟住落嚟嘅新劇《解決師》中，張文慈更加系擔任主要角色，唔知佢到時又會給我哋帶嚟點精彩噶演出呢？大家不妨一齊拭目以待！
Like MisshkNews Facebook！不出门也能知天下事～
