首次入圍視后！TVB力捧港姐坦言唔想咁快攞獎：這已經系最大肯定

日前，胡鴻鈞、劉佩玥、朱智賢等就出席咗TVB嘅新劇《救妻同學會》嘅“迎妻兵團”活動，劇中一眾主演都喺臺上大玩特玩，而伍富橋更加因為輸咗游戲而受罰做掌上壓，氣氛好融洽歡樂！

而萬眾期待嘅《TVB萬千星輝頒獎典禮》就將喺下月進行，先前就已經公布咗下月嘅入圍名單，劉佩玥也憑借臺慶劇《跳躍生命線》入圍一齊爭視后，足可見其付出嘅努力得到大家嘅肯定。

對此，佢都表示好驚喜，佢話：“開心，但知道自己唔系最佳，有得提名已經系最大嘅獎勵，我重有好多嘢要學習，可以繼續喺之后幾年、十幾年慢慢提升自己，反而唔想咁早攞獎，呢個系一個鼓勵，公司比咩角色我都會繼續努力。”

雖然《救妻同學會》啱啱先播出，不過劉佩玥同樣憑借該劇入圍“最受歡迎女角色”，佢就表示話：“同青春劇好有緣份，差唔多年年暑假都有青春劇畀我參與。覺得公司有一堆人系可以提選，大家可以去留意、可以去選擇投唔投呢啲角色，當一齊參與個party。”

1989年生嘅劉佩玥，喺畢業之后就同阿媽一樣，參加咗香港小姐嘅競選，順利通過面試晉級決賽嘅佢，都以大熱嘅姿態，勇奪2013年嘅香港小姐季軍，同屆嘅冠亞軍分別就系陳凱琳、蔡思貝。

入行后嘅劉佩玥，一開始主要以主持為主，后來首次攝影TVB劇集《四個女仔三個bar》而開始備受觀眾認識，同時佢都與該劇組嘅演員結下不解之緣成為好姊妹，譬如陳瀅、何雁詩、陳凱琳等。

而戲路變得多元化嘅佢，喺《幕后玩家》中飾演反派，為黃宗澤嘅情婦，更被稱為“史上最強小三”，不過喺舊年嘅《降魔的》中飾演“貝貝娜”（啤啤）一角，演技同樣大獲好評，備受支持嘅佢，重憑借該角色入圍《萬千星輝頒獎典禮》“最受歡迎女角色”。