上個月尾就系“不老女神”翁虹嘅五十歲生日，雖然已經踏入“5”字頭，但系佢依舊駐顏有術，僆妹味十足！而當時翁虹仲通過楊怡揾到咗胡定欣一齊出席慶生派對，原來兩人當年喺《大唐雙龍傳》中飾演嘅系兩師徒，一眨眼，14年就咁過去喇。
當時胡定欣重喺社交網上大傾當年嘅淵源，佢話：”大家重記唔記得《大唐雙龍傳》劇集里面，我師父翁虹嗎？我地已經14年冇見，佢透過楊怡揾到我，哈哈！好似尋親。”佢仲大贊師父年年如此，美貌依舊。 
呢次，佢哋兩師徒再次飯聚，仲搵上咗幫手“尋親”嘅楊怡，當時佢喺劇中就系飾演“李秀寧”。而家三人同框，當年《大唐雙龍傳》嘅一幕幕一幀幀嘅回憶都瞬間涌出，話說各位忠實嘅粉絲，仲記唔記得呀？ 
咁翁虹就喺社交網上曬出佢哋三個同框嘅合照，仲留言寫道：“《大唐雙龍傳》三姝，十五年后終于歷史性一刻相聚～開心、無懼淡妝同素顏～感恩歲月對我哋嘅眷顧，若年輕則歲月不老！真系感恩。”而“姝”即系美女嘅意思，睇來佢喺贊楊怡同胡定欣之余都大贊自己啦！ 
睇到相中，三位女神都好有默契緊戴上cap帽，而胡定欣同師父翁虹化咗淡妝，楊怡就完全素顏上陣。不過翁虹就喺咁同楊怡、胡定欣呢對姊妹花中間，卻是一啲都唔輸，甚至仲更有僆妹味呀！ 
雖然而家畀佢哋三人再喺電視中聚頭，似乎已經冇乜可能，但系都系希望佢哋繼續美麗，繼續做美魔女，祝福！
Like MisshkNews Facebook！不出门也能知天下事～
