張家輝住1.3億豪宅，高薪請7個碩士同個女補習，全家卻著爛衫

1998年嘅《陀槍師姐》可謂TVB經典神劇之一，當年關詠荷飾演朱素娥一角，形象好深入民心，因而觀眾都會以娥姐代稱關詠荷。

繼13年無線劇《情逆三世緣》之后，關詠荷絕跡幕前，皆因要相夫教女。

關詠荷近年專心做張家輝背后女人，舊年一家三口搬入1.3億老牌豪宅嘉慧園，同前特首董建華、白雪仙做鄰居。

雖然住豪宅，但生活繼續接地氣。平時關詠荷同一般人妻無異，送個女返學，親自去超市買菜。

一個簡單背囊用足幾年，唔少網友連續幾次影到關詠荷都系用同一個背囊。

投資有道、入伙豪宅，張太卻一如既往樸素。

不但關詠荷持家有道，就連獨生女Brittany著得都系樸實。

日前，記者影到關詠荷同個女出街，個女件衫明顯穿咗個窿，但都系照著。

家中最大嘅使費大概系個女學費同補習費，關詠荷一心鋪排送個女入頂尖大學，入讀一年基本學費10萬起跳嘅一條龍國際學校，平時又精選七個碩士生為女各科補習。

據悉，Brittany資質優異鐘意睇書，加埋媽咪全天候陪讀教養，一直成績名列前茅，系學校品學兼優高材生。

不過，作為影帝同視后個女都有遺傳父母演藝細胞，后生細女Brittany對娛樂圈好有興趣，都好鐘意喺網上睇教人做戲嘅視頻。