靠仔走紅嘅星爸，人氣仍不敵鄭中基，想喺紅館開演唱會多次被拒

舊年一個《爸爸去哪兒5》，里面作為虎爸代表陳小春人氣突然間靠萌爆Jasper反彈。

原本陳小春喺內地人氣唔高，代表作都只系《古惑仔》，而家兒子提攜爸爸，同時佢已經籌備開個人演唱會。

就連演唱會宣傳海報都用爸爸兒子為宣傳噱頭，可見兒子Jasper人氣有幾高啦。

陳小春喺北京舉行演唱會記招，宣布除咗落實嘅成都、佛山同南京三站演唱會之外，上海、武漢、北京、昆明、廣州、珠海、深圳等各大城市陸續有嚟。

但硬系少咗香港站，令人覺得出奇。

原來香港紅館檔期年頭至年尾都好火，當中亦都以圣誕、跨年同舊歷新年最受天王天后歡迎，最為搶手。

由于演唱會賣座總收入四分一要畀紅館抽作場租同雜費，有爆棚保證嘅歌手如容祖兒、劉德華、就差唔多逢入紙就批，系黃金檔熟客。

相反，一啲唔太紅，或者畀紅館質疑爆棚率嘅歌手一般都會拒。

陳小春由舊年開始入紙申請檔期，一直畀紅館拒絕，而同期鄭伊健、鄭中基都希望爭取大節日登紅館。

紅館新年檔期最后落到鄭中基、鄭伊健手上，而陳小春又落榜，睇怕又要繼續重新申請。

據知陳小春上一次舉行個人紅館演唱會系2004年，佢最想一個人重踏入紅館舞臺。