有「靚絕五臺山」之稱嘅藍潔瑛，日前喺赤柱寓所因失救而過身，屬同期訓練班兼獲封為「九龍女」之一嘅曾華倩，喺藍潔瑛過生后一直沉默。
其后曾華倩先喺社交網留言悼念好友：「突然間……心痛……可惜！愿藍小姐喺另外一個空間里面，揾到真正嘅快樂同心靈健康！做到你朋友就要尊重你，從不鐘意朋友喺背后，講起你一點一滴。我尊重你，所以，你安樂走啦！永遠懷念你，你我在心中！一路好行！」借此一方面悼念故友，同時亦都系表唔會受訪。 
藍潔瑛嘅追思會日前喺天主教圣亞納堂舉行，好友鄧萃雯、陶大宇，以及曾合作攝影《大時代》嘅邵仲衡、李麗珍，仲有教友陳美琪、張衛健亦有到場，另同合拍《大時代》嘅劉青云郭藹明夫婦、郭政鴻等，以及張曼玉同翁虹等送上花牌致意。
曾華倩當日未有出席，如常做嘢，但系未知系咪因有唔少網民留言稱點解未見其他好友出席，故曾華倩尋晚都喺社交網留言：「沉默唔代表我唔在意！明我嘅人，就會明。明我嘅人，都唔使去明。多謝！」
藍潔瑛生前曾受訪話，曾華倩一直系佢好朋友，即使喺佢落難時，「到我冇錢嘅時候，佢都仲肯借錢畀我。」、「佢真系好，唔會攞我嘅是非做人情。」
Like MisshkNews Facebook！不出门也能知天下事～
