日前，據港媒爆料指TVB小花黃山怡（糖妹）喺2013年嘅時候，與關花心男友何浩文分手之后，感情路上一直空白，不過呢排就收到佢一張絕密相，指佢已經秘密搭上同性密友，對方認識多年嘅好友，兩人一直形影不離，好似“糖癡豆”般，朋友圈更加系一早認定兩個人嘅親密關系。
1987年生嘅糖妹上個月就系佢31歲生日，圈中唔少好友都為佢舉行咗驚喜派對慶生，其中包括有陳瀅、王敏奕、曾國祥等，而該位同性密友自然都有出席，著上襯衫嘅佢外形較為男人化，但就同糖妹頭貼頭，從后箍住，好親密。 
糖妹當時都有將嗰晚開心慶生嘅相分享到社交網上，但就硬系未有公開呢張相。除此之外，最近忙住灌錄新歌嘅糖妹，尋日仲上載一張笑意盎然好精靈嘅相，仲留言話：“有生活先會創作，有閱讀先可以擺脫無知，最重要嘅系……有掛住嘅人，就去見佢／佢。”最后嘅兩句好似有啲一語雙關，更加引來唔少網民嘅猜測，唔通糖妹真系出柜？ 
對于噉嘅事，港媒喺求證當事人糖妹嘅時候，連隨畀否認澄清，糖妹就話：“咁大誤會！我中意男人中意到爆炸！邊個爆嘅？信我好過啦，好冇癮，笑死人。我同佢識咗十幾年，好多年生日都一齊過，我哋好friend，影相梗系攬頭攬頸啦！”
佢仲繼續講：“喺大專嘅時候，我已經識佢啦，有一年佢重喺我唱片公司做過一個暑期，當時佢都仲未做保險，我哋嘅關系千絲萬縷，除咗系好朋友，佢都系我嘅保險經紀。我都唔會同佢解釋，我同好多男生都傳過緋聞，佢都上過報，所以佢會慣，好小事啫！我老板有點擔心我，事業型女性異性緣系差啲，應該唔好成日顧個住工作。” 
其實講到糖妹，1987年生嘅佢自細好熱愛音樂，喺高中開始就已經不斷參加各類歌唱比賽，樂隊演出，后來同潘云峰組成組合“糖兄妹”，喺一次演出中獲得賞識就簽約維高文化，正式出道。 
直到2012年簽約TVB，期間佢參與演出咗唔少嘅劇集，譬如《你們我們他們》、《戀愛季節》、《熟男有惑》、《女人俱樂部》、《沖上雲霄2》、《幕後玩家》、《使徒行者2》、《誇世代》、《逆緣》等。
話又返嚟，其實對方系同性又好，異性也罷，兩人能夠心相通，可以互相扶持，相處舒服就已經好難得。至於單嘢系真系假，仲系只有當事人知，唔理點，希望糖妹可以早日覓得真愛，祝福！
Like MisshkNews Facebook！不出门也能知天下事～
